Beautyadd - Powered by Discuz! Board

標題: 大家有無好的减肥方法? 留言分享一下? [打印本頁]

作者: 心情 時間: 2007-12-5 02:55 標題: 大家有無好的减肥方法? 留言分享一下?

其實减肥又好,做甚麽事都好, 都係要恆心..恆心..加決心...仲有就係米多心,成日見果漾想食果漾就最出事, 要靚真係要.好忍得口架, 都係果句：世上無真正醜的女人，只有懶的女人！靚身材不是天生的, 係要keep 番嚟架！都話女人唔易做啦........

其實原來成功的男人都唔易做架, 例如劉德華曾絰講過自己係 "無味人生" 所指的是他食的東西基本上不鹽不油, 超過10年無食飯, 各位對自己身型有要求的男女, 不防可以借鏡。

但對於貪靚又為食的我, 要我過無味人生, NO WAY! 除非真係可以咁好彩, 日日有情飲水飽啦！

作者: 小路 時間: 2007-12-5 03:45 標題: 出汗

我想做運動應該是最好的辦法 , 但要抽時間做運動實在有 D 難 , 所以有時間會去桑拿做一做 spa , 一定做個乾蒸 , 出身汗 relax 一下自己, 又可以當做運動 , 又可以減肥

作者: 心情 時間: 2007-12-5 05:00

一罐可樂有十二匙單糖，意思係飲下後會直接變成我們身體的糖分。眼見不到的脂肪，吃下去會立即變成我們體內的脂肪，看不到的，如香腸，以為無事，其實係騙局，內有很多脂肪，吃下後會慢慢轉化成脂肪。

有人減肥不吃早餐，事實所得效果相反，會更肥胖，因相隔晚餐時間太長，下次進食時會吃得更多。不吃早餐，令自己空肚，會很快生膽石，因為沒有食物在肚內，膽會排出一些分泌，久而久之，會變成石，博士話一至兩個月就會成石，所以未減肥就已經生到成身石，不過不是鑽石。而且不吃早餐，會減低新陳代謝，減肥的原理是加強新陳代謝，才可燃燒脂肪，所以無法減到磅。
早餐是每天最重要，亦應是最豐富的。可吃粉、飯或麵包等，無須怕會熱量高，因為人體經過一天活動，自然會消耗掉，反而下午及晚餐要小心。

作者: 壞女生~ 時間: 2007-12-5 11:29

有無d唔駛運動~
又唔駛節食既方法啊~

作者: 柯南 時間: 2007-12-5 15:15

呢個世界無不勞而獲架, 你有幾肥?

作者: gogo 時間: 2007-12-6 18:29

減肥....係我生活中有一個好重要既位置~
差唔多由我15歲開始....
我阿媽就叫我減....減到我而家都就黎25歲...
都仲係肥妹一個...

不過中間既19歲...我瘦過一排....
都叫做索女過ga~而家d人睇番我果陣都話我正~
都係拍拖囉....果陣因為係第一個既關係...
好介意佢點睇我...
所以係咁減肥!!最後減到好似有病咁...
果陣我係食飯...唔食油果d...咩野送都係就咁用水煮..
唔落油...真係瘦得好快...2個幾月已經減左差唔多20幾磅...
加上我唔飲氣水同食糖果d零食...

不過而家果個bf..佢比到我好大信心...
但變左無乜心機減肥...
可能知佢唔係咁mind我身型啦...
不過...我遲d點都會keep番最索果陣咁~~

作者: catgirl 時間: 2007-12-6 18:53

引用:

原帖由 gogo 於 2007-12-6 18:29 發表
減肥....係我生活中有一個好重要既位置~
差唔多由我15歲開始....
我阿媽就叫我減....減到我而家都就黎25歲...
都仲係肥妹一個...

不過中間既19歲...我瘦過一排....
都叫做索女過ga~而家d人睇番我果陣都話我正~
都係 ...

加油 , 不可以放棄減肥 , 以我經驗 , 可以用行街代替運動 , 一日行街行10000步應該可以代替運動半個鐘 , 應該唔錯

作者: 心情 時間: 2007-12-7 00:09

減肥的原理是增加肌肉，有肌肉才可以燃燒脂肪，否則只是減去水份。有肌肉的人，就算坐著看電視，也比一個無肌肉的人消耗更多卡路里，因為只要他有多你一磅肌肉，他身體會自然地燃燒五十卡路里，而無肌肉的人，反而要去做運動來燃燒這多餘的脂肪。減肥不是看磅數，而是看體內脂肪的百分比。

作者: 加莉 時間: 2007-12-7 09:07

引用:

原帖由心情於 2007-12-7 00:09 發表
減肥的原理是增加肌肉，有肌肉才可以燃燒脂肪，否則只是減去水份。有肌肉的人，就算坐著看電視，也比一個無肌肉的人消耗更多卡路里，因為只要他有多你一磅肌肉，他身體會自然地燃燒五十卡路里，而無肌肉的人，反而要去做運動來燃燒這 ...

如果係肌肉越多燃燒更多卡路里的話 , 係唔係代表肌肉越多需要食更多食物 , 如果唔係邊有卡路里比佢燒 ? ?

越食越多習慣咗之後又唔做運動 , 肌肉消失後 , 又減唔到食量(習慣咗) , 咁會唔會立即暴肥架??

作者: 柯南 時間: 2007-12-7 15:22

所以做开運動既人，一唔做，就會好易肥lor.

作者: 加莉 時間: 2007-12-10 09:37

我是一個沒有恆心的人 , 如果只做幾個月運動就停 , 咁咪可能會反彈不特止 , 仲會越來越肥 ,

....

作者: moon2 時間: 2007-12-10 23:23

不要太夜吃飯，最少有三小時給胃部消化，腸道吸收．我以前的 personal trainer六時後不食．

當然，經常OT 的我，不會六時後便不食．不過，我會八時前安排”外賣”，避免太晚吃飯，累積脂肪！！

作者: Keroppi 時間: 2007-12-11 00:53

引用:

原帖由 moon2 於 2007-12-10 23:23 發表
不要太夜吃飯，最少有三小時給胃部消化，腸道吸收．我以前的 personal trainer六時後不食．

當然，經常OT 的我，不會六時後便不食．不過，我會八時前安排”外賣”，避免太晚吃飯，累積脂肪！！ ...

我也希望減肥 , 但同您一樣要經常 OT , 我已經盡量食少D , 唔超過 8 點 , 但係都無瘦到 , 可能係生活習慣的問題 , 我都希望知道除咗做運動仲有D 什麼方法可以減肥.

作者: gogo 時間: 2007-12-13 15:07

引用:

原帖由 catgirl 於 2007-12-6 18:53 發表

加油 , 不可以放棄減肥 , 以我經驗 , 可以用行街代替運動 , 一日行街行10000步應該可以代替運動半個鐘 , 應該唔錯

果陣我日日都有運動...
唔落雨就落街行...
落雨就嚮屋企搵張凳仔行上行落咁囉~
因為我下身肥...
所以呢個方法都幾Work ga~

作者: 小路 時間: 2007-12-13 18:08

引用:

原帖由 gogo 於 2007-12-13 15:07 發表

果陣我日日都有運動...
唔落雨就落街行...
落雨就嚮屋企搵張凳仔行上行落咁囉~
因為我下身肥...
所以呢個方法都幾Work ga~

我都試下用張凳仔行上行落 , 邊睇電視邊做運動 ,

我有想過用吹拉圈做運動 , 但係因為屋企太細, 所以用唔到.

歡迎光臨 Beautyadd (http://www.beautyadd.com/forum/)