我想同大家分享一個小小的經歷
我住緊的大廈已差不多有40年樓齡
係07年9月16日下午約2:00左右
突然響起火警鐘
係我住緊的樓層突然很大煙
我男朋友出門口睇完之後話
係由我地隔離再隔離的單位冒出的
相隔只是一個單位
已經有其他的住客紛紛逃離
我男朋友立刻拿起最貴重的物件準備走人
我諗都唔諗就叫我男友走先
我會殿後
我已經手執闊身膠紙準備等他走後封門
我男朋友見到我唔走立即放低貴重的物件
出去走廊看看情況是否嚴重
他突然間走回頭拿出一支很粗、很重、很硬淨的木棍 ~ 坤典
佢走去爆人地度門
其他隔離左右的男人見到也紛紛幫我男朋友手
因我男友 05年撞過車後一直也未能痊癒
至今也用拐杖中
幾個住戶輪流幫手爆門
我關好家門袋好鎖匙後出去幫手
因我還有22寶貝在家中
我要從旁用手機錄取整個爆門過程以作為證據
約15分鐘後成功爆開了木門
原來戶主在廚房內煲落了東西而出了街
慶幸屋內沒有人
我們熄了爐便走
之後由管理處接手
消防員及警察上來看了門被爆開
問是誰負責的
我們將一切豐功偉績全給了管理處、區議員
有關人等立即鳥獸散..........
消防員及警察看過短片後
大聲笑著說：乜呢座大廈的人咁齊心！
我想講的係
係最緊急的情況下
你會點做
如何安排
我最唔明係
點解有些人一遇到小小的“人生交叉點”遊戲 (移民、有BB.............等)
就要遺棄身邊的寵物
生命 ~ 不該被這樣對待的吧！
