引用:
原帖由 Bonnie 於 2007-11-13 17:03 發表
我問下大家簡男朋友會有d咩條件啊?
靚仔?
高大?
有錢?
有學識?
大家講下啊~
我.....都講過好多次ga喇...
樣要我覺得順眼就ok ga喇~~<---由心而發~^^
高過我...<---我唔算太高...不過女仔黎講都叫高~~
大隻過我..<--因為我都幾大隻ga- -
有無錢都ok...最緊要就係要照顧到自己~ <---自己都照顧唔到點照顧我呢?
"鏢賭飲吹"nonono~ <---"hi"一飯都唔好掂我呀!!!
要鍾意小朋友!<---有愛心....我鍾意呀~^^
要孝順老人家!!<--孝順得老人家...衰極有限
同埋要有幽默感~~<--得閒都可以笑下ma^^放鬆下啦香港人~~
仲有要就得我~^^<---互相尊重最緊要~~
要愛屋及烏~~~<---鍾意我之餘...唔可以討厭我屋企人
最重要就係要知我個心諗D乜~~~<---最難呢樣~~不過..鍾意我..又點會唔知我個心諗乜呢~^^
暫時係咁多先啦~~仲未諗到多d~haha~